|
p. 227
Anno 72 ab urbe condita Joachim et Anna jugales Mariam genuerunt
que fuit mater domini nostri Jesu Christi.
Anno 84 ab urbe condita incarnatus est Johannes Baptista.
Anno suprascripto natus est Jo. Baptista.
Anno suprascripto 84 Christus filius dei vivi incarnatus est.
Anno suprascripto domini mater visitavit Elisabet.
Anno 85 ab urbe condita natus est Christus.
Anno domini 32 idem Johannes Baptista decolatus fuit.
Anno domini 43 Bernardus primo in Roma verbum Dei predicavit et
convertit Clementem et factus est idem Bernardus episcopus Mediolani
et ordinavit ecclesiam mediolanensem metropolitanam totius Lumbardie.
p. 228
Anno domini 57 tempore Neronis imperatoris floruit beatus Sirus
episcopus papiensis et beatus Teropes episcopus pisanus.
Anno domini 64 passus est beatus Jacobus Alfeus.
Anno domini 69 passi sunt Petrus et Paulus et idem Paulus conversus
est ad fidem eo anno quo Christus resurrexit et triginta annis
predicavit fidem Christi.
Anno domini 100 Johannes evangelista in Christo requievit.
Anno domini 131 undecim millia virgines floruerunt.
Anno domini 208 floruit beatus Laurentius levita et martir.
Anno domini 380 floruerunt beati Ambrosius Hieronimus et Augustinus,
Bassianus episcopus laudensis, Guidentius episcopus novariensis
et Josaphat filius regis.....
Anno domini 425 defunctus est beatus Augustinus cum esset annorum
76 et eodem anno floruerunt septem dormientes annis 194 in monte cilon
dormiverunt et nomina eorum fuerunt Maximianus, Dionisius, Matteus,
Johannes, Serapion, Martinianus et Constantinus.
Anno domini 471 apparuit Merlinus vates in Britania ex filia regis
sanctimonialis cum qua demon concubuit.
Anno domini 801 imperavit Carolus Magnus filius Pipini et obsedit
in papia Desiderium regem logombardorum (sic). tunc eo tempore
fuerunt
Rolandus Rinaldus et alii paladini.
Anno domini 900 presbiter Alexander de mondociis fecit edifficare
ecclesiam sancti Georgii ad putheum album et anno domini 1172 ad
petitionem nobilium de mendociis existente archiepiscopo........ fundavit
ecclesiam sancte Marie ad passarellam, sanctorum Petri ad ortum
Pauli et Martini in compedo et donavit suprascriptis ecclesiis.
[Dicit cronica Gothofredi de Bussero quod civitas mediolanensis fuit
constructa per annos CC post Romam, anno tertio post Pergamum,
Brixiam et Papiam. - Ulterius Gothofredus de Busero dicit in cronica
quod Breno regulus construxit civitatem mediolanensem, pergamensem,
brixiensem et papiensem anno ante Christi nativitatem DCCLXII, anno
post Romam CC].
Anno XVI Octaviani Augusti natus est dominus noster Jesus Christus
et isto tempore floruit Virgilius poeta et sub Tiberio Cesare dominus
noster Jesus Christus crucifixus fuit anno XXXIII imperii ejus.
Anno domini 19 Jo. Baptista cepit predicare.
Anno domini 29 obiit Ovidius Naso in exilio.
Anno domini 30 baptizatus est Christus.
Anno domini 32 Jo. Baptista fuit decollatus.
p. 229
Anno domini 33 dominus noster Jesus Christus est crucifixus die 25
martii et Stephanus lapidatus.
Anno domini 34 die 3 ante kalendas januarii Jacobus Alfei consecratus,
et die 7 ante kalendas februarii in Damascho conversio sancti
Pauli apostoli. tunc Petrus tenuit sacerdotium annis 4 in partibus
orientis.
Anno domini 37 Petrus factus episcopus Antiochie ubi sedit annis 7
eo anno Tiberius missit Pilatus ad vineam ubi se occidit.
Anno domini 40 Matheus scripsit evangelium.
Anno domini 41 Jacobus Alphei precipitaus est, unde postea claudicavit.
\*
Anno domini 42 obiit domina sancta Maria mater et genitrix Dei.
Anno domini 44 fuit fames valida; eo anno Marcus scripsit evangelium.
\*
Anno domini 46 Petrus factus est episcopus Rome et Barnabas
Mediolani et Apolinaris Cremone; sed prius Barnabas fuit episcopus
Mediolani quam Petrus Rome.
Anno domini 47 Lazarus Maria Marta et Maximianus....
Anno domini 49 Paulus et Barnabas venerunt Jherusalem.
Anno domini 61 passus est Longinus et eo anno Paulus venit
Romam.
Anno domini 62 passus est Thimoteus Pauli discipulus.
Anno domini 64 passus est Jacobus Alphei die 7 ante kalendas
aprilis.
Anno domini 65 passus est Marchus evangelista.
Anno domini 70 passus est Seneca philosopins.
Anno domini 72 passi fuerunt Petrus et Paulus, Maximianus, Celsus,
Protasius et Gervasius.
Anno domini 73 destructa est Jherusalem.
Anno domini 76 natus est sanctus Sirus.
Anno domini 77 obiit Martha et post annos X obiit Marcella.
Anno domini 78 in pascha majori obiit Magdalena in urbe Aquensi.
Anno domini 84 passi sunt Thadeus et Simon.
Anno domini 85 Johannes Evangelista passus est in oleo ferventi.
Anno domini 89 obiit Maria mater Johannis Evangeliste in urbe
Jerosolima et eo anno obiit idem Johannes apostolus.
Anno domini 110 Plinius orator et istoricus florebat qui mitigavit
Trajanum imperatorem in christianos sevientem.
Anno domini 121 passi sunt Ariopagita et ejus sotii.
Anno domini 125 floruit Secundus philosophus qui philosophabatur
p. 230
omni tempore silentium servans; causa autem illius in suo libro demonstrat.
\*
Anno domini 130 primitus celebrata fuit missa in ecclesia grecorum
que ante fiebat hebraice. In eo anno Aquilia genere ponticus videlicet
secundus interpres mosaice legis claruit.
Anno domini 134 passus est sanctus Pieganus episcopus.
Anno domini 140 passa est sancta Simforiana cum 7 filiis suis.
Anno domini 145 floruit Pompeus Trogus natus ispanus qui totius
orbis historias a tempore Ninii regis asiriorum usque ad monarchiam,
latino sermone deduxit per annos 44.
Anno domini 147 Galienus medicus ortus de Pergamo Rome claruit.
Anno domini 153 obiit sanctus Sirus Papie episcopus.
Anno domini 160 passa est sancta Potentiana virgo.
Anno domini 170 papa Anicetus ordinavit ut clericus haberet barbam
clericatam et non mitriatam.
Anno domini 171 floruit Egisippus scriptor istoriarum.
Anno domini 186 passus est in Mediolano sanctus Franciscus (?).
Anno domini 223 apud Coloniam passe sunt undecim milia virgines.
Anno domini 240 Origenes scriba in Alexandria floruit. eo tempore
floruit affricanus inter scriptores ecclesiasticos nominatissimus.
Anno domini 254 passi sunt Laurentius et Hippolitus.
Et septem dormientes ceperunt dormire.
Anno domini 290 passi sunt Marchus et Marcellianus et natus est
sanctus Martinus.
Anno domini 297 obiit sancta Anastasia, sancta Christiana, sanctus
Blasius et sanctus Vitus.
Anno domini 308 passa est sancta Agnes.
Anno domini 309 passa est sancta Lucia et passi sunt sancti Fidelis,
Erasmus, Carpopharus et sancta Euffemia.
Anno domini 314 Magi ducti sunt Mediolanum.
Anno domini 317 obiit Maria egiptiacha.
Anno domini 322 obiit sanctus Zeno Verone episcopus.
Anno domini 331 inventa est sancta Crux a beata Helena.
Anno domini 335 passa est sancta Chatelina: eodem tempore floruit
Paulus primus eremita.
Anno domini 343 vel 345 obiit sanctus Nicolaus et ductus est in
barcham.
Anno domini 360 passi sunt Gordianus et Ciprianus. eo tempore
fuit Merlinus profeta anglorum.
Anno domini 364 passus est sanctus Donatus episcopus. eo tempore
passi sunt Johannes et Paulus.
p. 231
Anno domini 372 corpora sanctorum Andree et Luce sunt delata
in Constantinopolim.
Anno domini 375 floruit sanctus Antonius.
Anno domini 378 sanctus Bassanus factus fuit primus episcopus
laudensis.
Anno domini 391 inventa sunt corpora sanctorum Nazarii et Celsi
et obiit sanctus Martinus Turoni episcopus et fuerunt dicta corpora per
beatum Ambrosium deducta in ecclesiam sancti Nazarii.
Anno domini 392 die 3 apprilis obiit beatus Ambrosius episcopus
Mediolani cui successit sanctus Simplicianus. de quo dixit Augustinus
quod in eo lucebat gratia divina. qui anno domini 390 obiit die XVI
augusti.
Anno domini 398 obiit sanctus Alexius.
Anno domini 400 inventum fuit caput Johannis Baptista. in castello
Emaus natus est puer ab umbilico sursum divisum ita ut haberet duo
capita et duo pectora quodlibet habens proprios sensus uno videlicet
comedente et dormiente, altero non comedente nec dormiente, et preter
quam duobus annis preteriissent unus mortuus est, alter post mortem
istius usque in tertiam diem vixit.
Anno 404 Donatus episcopus opere salive occidit draconem quem
vix octo iuga bovum poterant trahere.
Anno domini 412 Laude obiit sanctus Bassianus. eo tempore Roma
capta fuit a Gottis.
Anno domini 420 obiit sanctus Augustinus.
Anno domini 425 obiit sanctus Johannes os auri patriarcha
constantinopolitanus.
\*
Anno domini 431 obiit sanctus Jheronimus.
Anno domini 448 in Effesi resurrexerunt 7 dormientes qui dormiverunt
annis 194.
Anno domini 450 Listros teutonicus Gottorum cum magno exercitu
ingreditur in Hispaniam.
Anno domini 456 Boetius decollatus fait Papie.
Anno domini 460 Attila pugnavit in Alemannia et mortui sunt 1380.
eo anno ordinatum fuit festum sancti Petri ad vincula in kalendis augusti.
\*
Anno domini 460 Attila rex rapuit Mediolanum, Papiam et multas
urbes christianorum: postea Eusebius archiepiscopus reconciliavit
Ecclesias
Mediolani in medio octobris.
p. 232
Anno domini 464 sanctus Abondius fuit episcopus Cumarum.
Anno domini 467 ab Alexandria ductum fuit corpus sancti Marci in
Venetiis et eo anno passa est sancta Margarita.
Anno domini 470 obiit Arturius rex Britannie qui Francie dominabatur
et Flandrie Normandie Dacie et certarum insularum. tunc Agimundus
rex lombardorum cum esset in Paonia apud lamam idest piscinam
septem pueros invenit in pessina quos quidem meretrix uno
partu habuerat et ad negandum proiecerat quorum unus Lanusus est
vocatus qui postea fuit rex lombardorum.
Anno domini 475 Domatius rex gottorum cepit Papiam et eam igne
et ferro destruxit.
Anno domini 480 Marcellus in Britaniam figit.
Anno domini inventa sunt ossa sancti Barnabe cum evangelio quod
sanctus Marcellus scripsit.
Anno domini 500 obiit sanctus Leonardus et sanctus Remigius.
Anno domini 510 Ludovicus rex Francie baptizatus et Sigismondus
fecit edifficare ecclesiam sancti Mauritii.
Anno domini 522 obiit sanctus Bibo.
Anno domini 524 obiit sancta Brigida.
Anno domini 523 omnis pulchritudo urbis Antiochie exterminata fuit
per terremotum.
Anno domini 526 Francia convertitur et baptizatur.
Anno domini 540 Arator poeta subdiaconus pape claruit qui per metrum
fecit actus apostolorum. eo tempore claruit Priscianus. circa hec
tempora facta est mortalitas apud Constantinopolim; ideo constituta est
solemnis purificatio domine sancte Marie.
Anno domini 560 tanta fames fuit per totam Italiam quod matres
comedebant filios. eo tempore Cassiodorus claruit.
Anno domini 565 obiit sanctits Benedictus.
Anno domini 570 rex Lambertus destruxit Mediolanum in die sancti
julii. eo anno fuit translatio sancti vit....
Anno domini 575 quatuor gotti fatti sunt christiani. tunc..... tiberius
fuit imperator.
Anno domini 578 regina rodelinda et alboinus ejus filius rex lombardorum
die 2 aprilis in Italiam venit. Mediolani tunc temporis erat
fames valida et mortalitas.
Anno domini 592 tante pluvie fuerunt quante fuerunt unquam et
deluvium et clades fuerunt.
Anno domini 600 in loco uno quedam mulier infantem unum peperit
sine oculis, brachiis et manibus: a lumbis infra erat ut cauda pilis.
p. 233
eo anno in nilo flumine apud insulam deltam sirene in specie hominis
et mulieris vise sunt ab exercitu romanorum usque ad meridiem.
Anno domini 600 a quadam cruce facta fuerunt magna miracula unde
tunc ceperunt consecrare ecclesias, nam ante tantum altaria
consecrabantur.
\*
Anno domini 605 obiit sanctus Johannes elemosinarius patriarcha
Alexandrie. eo anno Gulfus lumbardus rex destruxit Cremonam die 11
kalend. septembris.
Anno domini 610 claruit sanctus Lupus episcopus.
Anno domini 612 Rome facte fuerunt lettanie maiores.
Anno domini 623 in Jherusalem fuit exaltatio sancte crucis que
translata est in Jherusalem per Carolum imperatorem. tunc Macometus
propheta saracinorum fuit eo anno 623.
Anno domini 623 Carolus imperator in romano imperio subjecit Saracenos
qui fuerant sub regno persarum. tunc Macometus princeps saracinorum
moritur.
Anno domini 627 passus est Anastasius monachus.
tunc floruit sanctus Isidorus.
tunc obiit Tedolina (sic) regina Modoetie.
Anno domini 630 floruit sanctus Gallus. et tunc floruit sancta Amelia
abatissa Parisiis que obiit 4.o octobris. et eo anno floruit sanctus
Columbanus.
\*
Anno domini 639 saracini destructa Jherusalem capiunt Antiochiam.
Anno domini 649 saracini occupaverunt affricam.
Anno domini 650 natalis archiepiscopus Mediolani consecrare fecit
ecclesiam sancti Georgii in pallatio.
Anno domini 651 obiit sanctus Gregorius papa.
Anno domini 660 Constantinus postquam martirizavit Martinum
papam Romam venit et quicquid erat Rome ad ornatum ecclesiarum
secum detulit in Siciliam et ivit Constantinopolim occisurus catolicos et
eo anno venit dominare lumbardos, sed non potuit. tunc ivit Romam et
diripuit tesaurum Ecclesie ut ferret Constantinopolim qui cum esset in
ecclesia in balneo a suis occiditur.
Anno domini 660 Paulus civitates et pontes in Francia et in Borgondiam
resarari impetravit.
p. 234
Anno domini 660 Carolus Martellus ecclesias spoliabat et militibus
decimas confirmabat unde male mortuus est prout meruerat.
[Isto tempore scilicet Christi anno 680 secundum cronicam Gothofredi
de Bussero, tanta fuit in civitate papiensi pestilentia atque hominum
depopulatio, ut hominibus per juga montium fugientibus, in civitate
arbores nascerentur atque fructeta].
[Tempore isto per censuram ecclesiasticam cogente imperatore,
archiepiscopus
ravennatis papam romanum suum recognovit superiorem
et a papa petiit suam consacrationem, et dicit cronica Gothofredi de
Bussero quod hoc fuit anno Christi 681].
Anno domini 700 floruit sanctus Sigismundus filius regis Guidebaldi.
Anno domini 726 sanctus Gregorius papa excomunicavit imperatorem
Bertonem qui comburi fecit imagines sanctorum.
Anno domini 725 sedebat Theodoricus archiepiscopus mediolanensis.
sedit annis XIIIJ et jacet in monasterio horono cum sorore sua Orona.
iste episcopus exposuit offitium matutinale.
Anno domini 736 quidam sirus pseudo Christus judeorum multos
seduxit.
Anno domini 740 factum est monasterium horonum Mediolani.
Anno domini 744 Constantinus quintus imperator infidelis graviter
prosequitur ecclesiam quia erat interfectus a demone.
Anno domini 750 Orach rex lombardorum cum uxore et filiis suis
relicto mundo monasterialem indutus est habitum.
Anno domini 769 Astulphus rex lombardorum tributum exigit a
romanis unde papa Stephanus sanctus auxilium petiit a Pipino qui veniens
cum franchis vincerunt exercitum Astulphi regis lombardie.
Anno domini 770 Desiderius rex lombardorum fecit fieri monasterium
sancti Petri de Chivate.
Anno domini 780 imperator constantipolitanus solo nomine fere
imperabat persequutor saracinorum.
Anno domini 780 Aurelius dictus Albinus Abas sancti dionisii Parisiis
moritur. Caruli hic genere anglico erat philosophus et morum honestate
preclarus, a quo Carolus didicit omnes septem literales artes.
Anno domini 781 passi sunt Amantius et Amicus de mense octobris.
p. 235
Anno domini 783 factus est imperator Constantinus sextus, qui solum
imperavit annis quinque et cum Irena matre sua annis X. sed quia ille
eam deposuit, ipsa fecit eum exulari; ideo illa sola imperavit annis III.
his temporibus sol non apparuit diebus XVII. tunc quedam aurea lamina
in Constantinopoli est inventa in quodam sepulchro cum quodam defuncto
et ibidem iacente cum hac scriptura: << Christus nasciturus est de
Virgine Maria et credo in eum >> .
Anno domini 784 fuit papa Johannes femina et erat teutonicus et
ob hoc ordinatum est quod de cetero nullus teutonicus possit fieri papa.
Anno domini 790 Carolus Magnus transtulit studium a Roma Parisis,
quod de Grecia translatum fuerat ad romanos.
Anno domini 800 Petrus archiepiscopus Mediolani fecit construere
monasterium sancti Ambrosii Mediolani.
Anno domini 821 papa Pascalis Rome fecit monasterium grecorum
et omnia corpora sanctorum ibidem recondi fecit.
Anno domini 825 Ludovicus imperator cum Pipino rege aquitaneo
et Ludovico rege Germanie Britanniam invasit et ipsam ferro et igne
devastavit.
Anno domini 836 saracini venerunt Romam in magna quantitate et
eam spoliaverunt, sed lombardi et galli simul fugaverunt saracinos qui
destruxerunt Ciciliam et Apuliam.
et hoc anno facta fuit sancta Maria in compedo Mediolani.
Anno domini 840 Angubertus fecit deaurare altare sancti Ambrosi.
Anno domini 848 Andulphus rex Anglie constituit pape Leoni denarios
pro unaquaque domo quod usque hodie durat.
Anno domini 860 genus danaorum devastarunt Angliam et decollaverunt
Aimundum regem Anglie.
Anno domini 864 in Brisia tribus diebus pluit sanguis e celo.
Anno domini 876 saracini discurrentes per totam Italiam dextruxerunt
monasterium de Monte Cassino.
Eodem anno Euspertus de Confaloneriis archiepiscopus Mediolani
fecit construi ecclesiam sanctorum Satiri et Silvestri in porta romana.
Anno domini 884 papa Adrianus tertius constituit ut imperator non
se intromitteret de electione pape.
Anno domini 890 papa Formosus fecit pingere ecclesiam sancti Petri
Rome.
Anno domini 893 Arnulfus imperator ultimus de genere carulorum
p. 236
devicit et devastavit normandos, qui quadraginta annis Galiam vastaverant,
ideo modo non fit imperator de genere Caroli, quia ecclesias
quas sui parentes fecerant non fovebat sed potius despitiebat.
Anno domini 903 Lotornus imperator concessit civitati Pergami
redificare muros quos ungari diripuerant et turres civitatis.
Anno domini 915 saracini devastaverunt totam Apuliam Calabriam,
et fere totam Italiam.
Anno domini 923 ungari ceperunt Tusciam et Romam.
Anno domini 931 mediolanenses ceperunt multos cremonenses iuxta
Castrum Leonis seu oppidum Manfredi.
Anno domini 950 Adelmanus presbiter de mendoelis fecit fieri ecclesiam
sancti Georgii ad putheum album Mediolani.
Anno domini 952 in Vascona erat quedam mulier ab umbelico sursum
divisa, duo pectora et duo capita habens uno comedente et alio
dormiente altero neutrum faciente vixeruntque multo tempore nec uno
tempore mortui sunt ambo.
Anno domini 960 primus Otto imperator in alodio suo apud Madebuch
fecit construi ecclesiam sancti Mauritii, valde pulcherrimam.
et in Mediolano fecit edificare monasterium.
[Dicit cronica Gothofredi de Bussero quod anno Christi 976 Ato comes
de Leuco filius Uberti comitis moritur, qui erat totius Italie
quadrigularius
et sepultus fuit in terra de Lomeno; eius uxor dicta fuit
comitissa Ferlenda].
Anno domini 980 dominus Ubizonus de Carcano dux Mediolani habuit
quatuor filios primum Landulfum fecit archiepiscopum Mediolani,
2.m capitaneum de Carcano, qui habuit duos filios de primo nati sunt
illi de Carcano et de Paravisino, de 2.o filio illi de Sessa et de Luino.
3.m filium fecit capitaneum de Pirovano et ille habuit tres filios: de
primogenito
nati sunt illi de Pirovano, de secundo illi de Casternago, de
3.o illi de Tabiago. quartum filium fecit capitaneum de Melegnano et
ipse duos filios habuit, de primo nati sunt illi de Scroxatis, de 2.°
capitanei
de Melegnano. et ipse dominus Ubizonus dux Mediolani habebat
duos alios filios, quorum nomina erant primus dominus Albertonus et
de ipso orti sunt illi de Buisio. et tertius frater ipsorum domini Ubizoni
35 et Albertoni vocabatur Thomasonus et de ipso orti sunt illi de
Castelleto.
p. 237
Anno domini 981 dominus Landulfus de Carcano filius suprascripti
domini Ubizoni fecit edifficare monasterium S. Celsi, datum sibi a papa
in penitentiam.
Anno domini 991 sanctus Oderbadus rex Anglie occiditur dolo sue
noverce.
Anno domini 1010 Henricus primus imperator totam Papiam uno
incendio concremavit.
Anno domini 1013 Arnulfus de Arsago Seprii archiepiscopus Mediolani
in Constantinopolim acquisivit quemdam serpentem quem posuit
ad S. Ambrosium
Anno domini 1321 undecimo ordinatum est Mediolani festum mortuorum
in medio octobris anno sesti Henrici imperatoris.
Anno domini 1023 rribertus archiepiscopus Mediolani filius Gerardi
de Entemiano obiit ante vigiliam S. Dionisii in porta nova Mediolani.
Anno domini 1027 beatus Anteriatus filius S. Stephani regis Ungarorum
virgo cum sponsa sua obiit.
Anno domini 1036 Benedictus de Cortesella fecit fieri ecclesiam
sancti sepulchri Mediolani.
Anno domini 1045 Rome cujusdam gigantis corpus Pallantis nomine
inventum est incorruptum cuius vulneris latus ubi vulneratus fuerat
quatuor
pedibus et senis caput habebat. corpus vero ad altitudinem muri
vincebat, lucernamque ardens ad caput ejus inventa est que nec flatu
nec liquore extingui poterat sed cum subtili foramine subtus flammam
facto extincta est per illud foramen aere introducto. hunc dicitur
occidisse
Turnus, unde ipsius epitalamium fuit hoc:
Filius Evandri Pallas quem lancea Turni
Militis occidit more suo jacet hic.
Anno domini 1045 consecrata est ecclesia sanctorum Satiri et Silvestri
Mediolani.
Anno domini 1050 Archifredus de Fagnano fecit ecclesiam sancti
Marci ad bachetam Mediolani.
p. 238
Anno domini 1055 facta fuit ecclesia S. Bartholomei in porta nova.
Anno dontini 1055 presbiter Anselmus de Badagio Mediolani ordinarius
fieri fecit ecclesiam sancti Ilarii Mediolani. presbiter Anselmus
fuit postea papa Alexander tertius, qui prius fuit ad ordinandum quod
presbiteri non nuberent.
Anno domini 1066 ante kalendas julii passus est beatus Ayraldus levita
qui jacet ad S. Dionisium Mediolani.
Anno domini 1068 fames et mortalitas fuit fere per totam terram.
Anno domini 1068 Gottofredus dux Spolitanus et Matildis comitissa
ab Apulia expulsere Romanos. hec Matildis in tantum valuit quod contra
imperatorem pugnavit et cum amplissimis posset possessionibus abundare,
totum patrimonium suum super altare S. Petri Rome obtulit: usque
hodie dicitur patrimonium sancti Petri.
Anno domini 1090 in Anglia S. Anselmus fuit episcopus Contubernie.
\*
Anno suprascripto quidam teutonicus cum filio et uxore euntes ad
S. Jacobum de Gallitia cum essent in Tolosa in dolo sifus argenteus
absconditur
in valisia; unde filius in fulcha suspensus fuit et vixit diebus
XXXVII; quapropter ille hospes seu hospitissa que dolum commiserat
mortua est.
Anno domini 1092 natus est Bernardus, qui postea fuit abbas.
Anno domini 1095 dux ravenensis cum christianis recuperavit sanctum
sepulchrum domini nostri Jesu Christi.
tunc papa Urbanus sanctus statuit officium domine sancte Marie
quod dicitur quotidie et sabbati celebratur missa dicte sancte Marie.
Idem papa die 3 consecravit ecclesiam S. Abundii Cumarum et habebat
secum sex cardinales et quatuor episcopos.
p. 239
Anno domini 1095 die XII julii dedicatur monasterium de Ganna
apud Arsizate.
Anno domini 1098 christiani cum brachio sancti Gregorii iverunt
ultra mare et inventa lancea domini ceperunt Jerusalem
Et in Bregundio in die S. Benedicti in terra Cabilonensium fundatum
est monasterium Asternemorum.
Anno domini 1103 die 7 ante kalendas aprilis factum est judicium
presbiteri Aliprandi S. Pauli in Compedo. per quem ignem suprascriptus
presbiter transivit illesus et ipsum Ardeticus de Raude transire
compulit; quo non obstante Arnoldus iratris filius predicti Arderici, ad
vincula, ad truncatum nasi et aurium ipsum presbiterum Aliprandum
condemnavit; quo facto ipsum immaculatum carceribus mancipavit.
tantam enim malevolentiam isti de Raude dicto presbitero ferebant, eo
quia presbiter predictus partem fovebat Herlembardi qui ab Arlado de
Laude huius Arnoldi......... uno gladio peremptus est.
Et eo anno Grossolanus de archiepiscopatu Mediolani expulsus est.
Anno domini 1109 factum est bellum in Campo ubi capti sunt papienses
et eorum episcopus a mediolanensibus.
Anno domini 1111 die 7 ante kalendas junii destructa est civitas
laudensis et jacuit annis 48.
Anno suprascripto Paschalis est captus ab Henrico imperatore.
Anno domini 1114 cum suprascriptus Bernardus esset annorum 22,
factus est monachus Cisterciensis cum triginta sociis sub Stephano tertio
abbate cisterciense.
Anno domini 1122 suprascriptus Bernardus abbas est electus archiepiscopus
Mediolani, sed refutavit: eodem anno Calistus concedit privilegium
episcopo lucano et fecit suprascriptum episcopum civitatis Iportulane
subjectus ei provinciam.
Et iste papa fuit ille qui in toto ordinavit quod presbiteri non
uxorarentur.
\*
Anno domini 1124 die quarta augusti ab igne porta jovis accensa
fuit ecclesia S. Laurentii.
p. 240
Anno domini 1126 mediolanenses destruxerunt civitatem Cumarum
ante kalendas februarii. et coronatus fuit Conradus in imperatorem in
Modoetia. ab archiepiscopo Mediolani.
Anno domini 1128 primo die ante kalendas julii, ut legitur in copia
Landulfi.
[Anacletus expoliatis thesauris ecclesiarum romanorum, corda corrupit
et papatum potentia optinuit. Innocentius super duas galeas ianuensium
anno domini MCXXX, sicut dicit Gothofredus de Bussero, venit
primo Januam; postea fugit in Gallias, quem rex Francorum honorifice
suscepit].
[Isto tempore scilicet anno domini MCXXXII imperator Lotharius
supradictus, de Roma egressus, intravit Lombardiam et pervenit Cremonam.
et ipso anno Cremam obsedit, ut dicit Gothofredus de Bussero]
\*
Anno domini 1133 in Francia fuit magna siccitas, ita quod siccaverunt
fontes, putei, lacus, flumina.
Anno domini 1135 in die S. Vincentii edificatum fuit monasterium
Clarevallis Mediolani.
[Christi nnno MCXXXIX.... Conradus imperator de Alamania exiens,
intravit Italiam et in Mediolano per archiepiscopum mediolanensem fuit
coronatus in S. Ambrosio. Gothofredus de Bussero dicit quod fuit coronatus
ad Asiam, et postea per eundem archiepiscopum fuit coronatus
in Modoetia. attamen coronam in Roma non obtinuit].
Anno domini 1142 Conradus imperator tertius ivit ultra mare et
multum pugnavit: unde multi christiani perierunt ex insidiis grecorum
qui calcem posuerunt in pane.
Anno domini 1145 floruerunt magister Bernardus de sancto Victore
et translatus est liber Johannis Damasceni in latinum: eo anno
Guffredus de Bussero fecit hospitale S. Barnabe Mediolani, de quo incepit
hospitale s. Stephani in Brolio Mediolani: et eodem anno die XV
aprilis apparuit cometa cum cauda magna et fuit magna mortalitas.
Anno domini 1145 imperator Fredericus Barbarubea destruxit civitatem
p. 241
Mediolani et comites de Inglesia qui dominabantur in Mediolano,
misitque in Alamaniam octingentos homines Mediolani et fecit multos
comites de illis qui prodiderunt Mediolanum.
[In MCXLVI die XIIII julii fun in Mediolano unus maximus ignis,
ut dicit Gothofredus de Bussero].
Anno domini 1147 Petrus Lombardus sententias exposuit.
Anno domini 1153 obiit Goffredus de Bussero qui partem de suo
dictis hospitalibus fecit, et de alia parte fecit comunantia terrarum
agnatis
suis, que comunantia nuper vendita est pro libris 300 dicto hospitalio
de Brolio: eodem anno obiit s. Bernardus abbas. tunc temporis Federicus
fuit primus imperator.
Anno domini 1154 die 4 octobris dictus Federicus intravit Lombardiam
et destruxit Galiate, Terdonam et Mediolanum et rehedificavit
Terdonam invitis Papiensibus.
[Omnes papienses sunt ducti Mediolanum; attamen marchionibus
data fuit licentia fugiendi. et dicit Gothofredus de Bussero quod hoc
fuit anno MCLVII].
Anno domini 1160 die 4 augusti inceptum est edificare civitatem
laudensem juvenem. et die X augusti Ubertus de Pirovano archiepiscopus
Mediolani obsedit Carcanum et eum cepit et Fridericus imperator fugit
et multi capti sunt de suis.
Anno domini 1162 die 4 ante kalendas aprilis dictus Fredericus imperator,
proditorie nonnullis mediolanensibus faventibus, destruxit Mediolanum,
tempore domini Uberti suprascripti archiepiscopi cum brachio
multorum de civitate et diocesi Mediolani et destruxit comites de
Inglesio.
Anno domini 1167 die 6 ante kalendas maii recuperata est civitas
Mediolani et antelatus Federicus imperator in anno.... sui imperii in aqua
que vocatur Selfrion necatus est: in Romagna Beatrix uxor eius supererat
morti sue.
Anno domini 1176 die 5 februarii facta est ecclesia S. Petri de
Viboldono. et die 4 ante kalendas iunii antelatus Fredericus imperator
victus a mediolanensibus inter Legnanum et Borsanum. eo tempore....
Anno domini 1179 floruit beatus Galdinus archiepiscopus Mediolani
et romane sedis legatus et dictus dominus Ubertus archiepiscopus iam
acerba morte voluntarie peremptus est.
p. 242
Anno domini 1180 floruit abbas Joachim in Calabria, qui plures
libros super ierarchiam scripsit et apocalipsim scripsit et de omnibus
profetiis.
Anno domini 1181 ad honorem pape Alexandri mediolanenses et
placentini edificarunt Alexandriam ad versus Papiam et postea ad
petitionem
lumbardorum constituit episcopum. tunc episcopum papiensem
privavit dignitate crucis et palei.
Anno domini 1183 Petrus Comestor qui historias utriusque testamenti
in unum volumen redegit utiliter exponendo quod scholastica historia
nominavit.
Anno domini 1186 dominus Albertus vicecomes de Palantia fuit
primus potestas Mediolani. et die 5 ante kalendas februarii celebrate
sunt nuptie Henrici imperatoris in brolio sancti Ambrosii qui accepit
Constantiam filiam regis Cecilie.
Anno domini 1188 facta est secunda consularia Mediolani. die ante
kalendas novembris factus est papa Urbanus. eo tempore capta est
civitas Jerusalem a Saracinis. eo anno obiit sanctus Leonardus levita.
Anno domini 1189 facta est tertia consularia Mediolani.
Anno domini 1189 in kalendis aprilis Milonus de Cardano archiepiscopus
Mediolani edificavit ecclesiam Sancte Trinitatis de capite laci
iuxta Varisium, cuius primo fuit prior Arnoldus de Calavria cum monacis
quatuor.
Anno domini 1191 Rodulfus de Concexia fuit factus potestas Mediolani.
et eo anno die 6 aprilis Henricus imperator coronatur et duxit
in uxorem Constantiam filiam regis Sicilie, qui vocabatur nomine Rugerius
et ante annos quinque quam esset imperator tradidit Tusculanum
ecclesie et ecclesia tradidit Romanis et Romani destruxerunt.
Et 7 julii in flumine Olii necati sunt Cremonenses et Pergamenses.
Anno domini suprascripto facta fuit quarta consularia Mediolani.
Anno domini suprascripto Fedricus (sic) imperator intravit Siciliam
et cepit usque ad Neapolim per tres menses quarto anno totum
regnum Apulie subiugavit.
Anno domini 1193 facta est quinta consularia Mediolani.
Anno domini 1195 Henricus imperator et Constantia uxor die 3 januarii
ceperunt Apuliam. et eo anno die 16 septembris fratres minores
intraverunt ad habitandum in civitate Mediolani. eo anno canonizatus
fuit sanctus Dominicus.
Anno domini 1196 facta est ultima consularia Mediolani et die 11
martii obiit magister Petrus de Vavassoribus de Bussero canonico Modoetie
p. 243
et diaconus domini pape, deinde cardinalis, qui fuit legatus in
Ungaria, de quo scriptum est:
Magister Petrus fisicus optimus atqe legista
nec non divina que sunt in pectore mista,
<< hoc opus fieri fecit in ecclesia S. Johannis Baptiste in Modoetia
>> .
Anno domini 1198 facta est octava consularia Mediolani et credentia
sancti Ambrosii Mediolani. Tunc Mediolanenses et Papienses simul cum
suis caloceris iverunt super Pergamum.
Anno domini 1199 comes Manfredus de Curtenova fuit potestas
Mediolani.
Anno domini 1199 Raimundus de Vegionibus de Bononia fuit potestas
Mediolani. tunc gens tartarorum, occupatis circumstantibus partibus
et crudelitate subactis, in duo agmina se dividentes Ungariam et
Panoniam intraverunt, ubi campestria prelia cum ipsis habita et regis
Ungarie dux Colomanus in Panonia nobilis dux Celetie, Henricus occiditur
et reliquus vero vulgus tam in viris quam in mulieribus quos
invenire potuerunt in ore gladii esterminaverunt. et sic terras illas,
maxime Ungarie, destruxerunt, quod valida fames matres carnibus filiorum
vescebantur et plurimum pulverem cujusdam montis pro farina
utebantur.
Anno domini 1206 Ubertus vicecomes de Placentia fuit potestas
Mediolani, et tunc conversus est sanctus Franciscus.
Anno domini 1207 Vicecomes de Placentia fuit potestas Mediolani.
et tunc papa Innocentius misit duodecim abbates ordinis Cisterciensium
et legatum et Dicatum episcopum Exionensium. et fratrem Dominicum
ad predicandum in terra Albigensium fidem Christi.
[Anno Christi supradicto, scil. MCCXII, stantibus predictis concurrentiis,
facti sunt in civitate ex civibus de Mediolano decem potestates,
quorum sapiens fuit Paganus de Bussero. cronica Gothofredi de Bussero
dicit quod facti sunt quattuordecim milites justitie].
Anno domini 1217 Andeloch de Bononia fuit potestas Mediolani.
et die XV julii ordo fratrum predicatorum confirmatur.
Anno domini 1220 Amiginus nominatus fuit potestas Mediolani.
et die XV martii fratres predicatores venerunt ad standum ad
S. Eustorgium.
Anno domini 1221 Amigus de Laude fuit potestas de Mediolano, qui
indebite dedit bannum domino archiepiscopo Mediolani, et mense madii
p. 244
consecrata fuit ecclesia Clarevallis et die S. Augustini obiit beatus
Dominicus
Bononie.
Anno domini 1222 Lanfrancus de Mugio de Pergamo fuit potestas
Mediolani. tunc fuit guerra capitaneorum et vavassorum Mediolani contra
populum. Ardigotus Marcellinus erat caput populi et dominus Otto de
Mandello erat caput capitaneorum et vavassorum et omnium nobilium
Mediolani. et celebrata est pax in mense augusti in festo S. Marie:
tunc stella apparuit eum cauda magna et fuit luna quasi mortua apud
stellam. eo anno in nativitate Domini terra tremuit fere quod tota Brixia
corruit.
Anno domini 1226 Guasma Ruscha fuit potestas Mediolani. et tunc
obiit sanctus Franciscus.
Anno domini 1228 Faba de Brixia fuit potestas Mediolani. eo anno
fuit mutatum broletum Mediolani. et canonizatus fuit s. Franciscus.
Anno domini 1233 dominus Oldradus de Treseno seu de Alando
fuit potestas Mediolani. et fecit comburere hereticos et ipse Oldradus
fecit edificare palatium de Oxiis.
Anno domini 1240 in Brogondia imperiali terra soluta a montibus
circa quinque millia hominum suffocati sunt. nam unus maximus mons
se dividens ab aliis montibus per plura miliaria cujusdam vallis transiens
ad alios montes accessit in valles, omnes villas, terra et lapide
cooperiendo. tunc judeus dissipando unam rupem pro ampliando vincam
in medio duorum lapidum invenit concavitatem sine ulla divisione et
fissura, in qua concavitate repperit librum unum quasi folia lignea
habente,
tribus linguis scriptum, adventum domini ab Adam usque ad Christum
et quibus proprietatibus videlicet uniuscujusque mundi exprimendo
principium tertii mundi, et in hoc tertio mundo posuit quod Christus
nasci debebat de virgine Maria ut pro salute hominum moreretur. ideo
legens Judeus mox cum sua familia fuit baptizatus. et in hoc libro erat
scriptum quod debebat reperiri tempore Fernandi regis Castelle quod
factum fuit 1250, die 2.a aprilis.
Eo anno beatus Petrus Martyr fuit occisus apud Barlassinam, quem
canonizavit Innocentius papa quartus
Anno domini 1252. Jo. Henricus civis Mantue, nominatus a Mediolanensibus
Giroldetus, fuit potestas Mediolani et fuit tante bonitatis et
firmitatis, quod credebatur quod Deus per se operaretur et non antea
nec postea fuit potestas similis Mediolani, et ut creditur per invidiam
fraudulentorum fuit mortuus. eo anno idem potestas ad inceptum sui
regiminis fecit destruere domos existentes circa broletum comunitatis
Mediolani et fecit fieri palatia que sunt circa broletum comunitatis
Mediolani a tribus partibus, super quibus causantur cause comunitatis
Mediolani eo anno die XI kalendas julii dictus potestas obiit Janue,
p. 245
quo iverat pro comune Mediolani ad instantiam domini pape, qui tunc
erat Janue. eo anno dictus potestas fuit ploratus ab omnibus
mediolanensibus
tam masculis quam feminis et fuit delatum sanctum eius ad
S. Ambrosium.
Anno domini 1254 die 21 martii prima petra posita fuit in ecclesia....
extra pusterlam Braide Guercii. eo anno in civitate Neapoli
obiit Innocentius quartus.
Anno domini 1259 dominus Martinus de la Turre cum exercitu suo
captavit Azolinum de Romano, qui cum grandi exercitu civitatem Mediolani
occupaverat. et hec pugna data est in Olona, ubi Azolinus ab
exercitu Mediolani vulneratus est, captus et mortuus.
Anno domini 1263 predictus Martinus obiit.
Anno domini 1265 obiit dominus Philippus de la Turre, qui erat
rector populi Mediolani et rector Cumarum, Novarie, Pergami et Laude
et loco eius factus est rector dominus Napoleo de la Turre.
Anno domini 1271 die 20 maii fuit ceptum parificare Mediolanum
et solare stratas, et prima fuit Porta Nova.
|
5
10
5
10
15
20
25
30
35
5
10
15
20
25
30
35
40
5
10
15
20
25
30
35
40
5
10
15
20
25
30
35
5
10
15
20
25
30
35
40
5
10
15
20
25
30
35
5
10
15
20
25
30
5
10
15
20
25
30
35
5
10
15
20
25
30
5
10
15
20
25
30
5
10
15
20
25
5
10
15
20
25
30
5
10
15
20
25
30
5
10
15
20
25
30
35
5
10
15
20
25
30
35
5
10
15
20
25
30
35
5
10
15
20
25
30
35
40
5
10
15
|
