UNIVERSITÀ DI MILANO UNIVERSITÀ DI NAPOLI FEDERICO II UNIVERSITÀ DI PALERMO UNIVERSITÀ CA' FOSCARI (VENEZIA) UNIVERSITÀ DI VERONA

ALIM – Archivio della latinità italiana del Medioevo

Annales Sanctae Trinitatis Veronenses

Edizione:
G. H. PERTZ, Monumenta Germaniae Historica, SS., 19, 1866, pp. 2-6


p. 2

Anno ab incarnatione domini
nostri Iesu Christi 1117.
indictione decima, 2. Iduum
Ianuarii consecratum est hoc
templum in honore sanctae
trinitatis et beatae Mariae
semper virginis et omnium
sanctorum. Hoc anno multe
turres et innumerabilia edificia
propter terre motum per
Longobardiam et alias terras
corruerunt.
Anno Domini 1118. hobiit
Pascalis papa.
Anno 1119. hobiit Gelasius
papa.
1125. hobiit Calixtus papa
et imperator Henricus quartus,
atque in regem et imperatorem
elevatus est
Lotharius.
1127. Padus fluvius sic congelatus
est, ut ab una ripa
usque ad aliam milites super
glaciem in equis transirent.
1128. Fulco marchio hobiit
18. Kal. Ianuarii.
1131. hobiit Honorius papa.
1132. Lotharius rex cum
exercitu in Longobardiam venit.
Inde ipse ad Romam ivit,
et coronatus est ibi a domno
papa Innocentio II. Tunc enim
Petri Leonis filius sancti Petri
aecclesiam vi optinebat. Eodem
vero anno 4. Nonas Augusti
sol obscuratus est.
Eodemque scilicet anno 17.
Kal. Decembris 1135. hobiit
Bernardus Veronensis
episcopus.
1136. 8. Kalend. Decembris
hobiit Redalda.
1137. 4. Idus Novembris
hobiit Vivianus, qui hoc monasterium
cepit et ad finem simul
cum claustra perduxit.
1139. fluvius aquae Athesis
inundavit 3. Kal. Septembris.
1141. arx Garde capta est
8. Kal. Martias.
1142.

p. 3

1143. Innocentius papa II.
hobiit.
1144. hobiit Celestinus
papa II.
1145. hobiit Lucius papa.
1146. factus est puteus in
claustro sanctae Trinitatis.
Eodem anno in Kalendis Martii
fuit interfectus Henricus
Morbius.
1149…….. 17. Kalendas
Septembris.
1150.
1151.
1152.
1153. hobiit Eugenius
papa III.
1154. Federicus rex cum
exercitu in Longobardiam venit.
Hobiit Anastasius papa IV.
1155.
1156.
1157. Tebaldus Veronensis
episcopus hobiit 6. Idus
Maias.
1158. iterum Federicus imperator
cum exercitu in Longobardiam
venit, atque Mediolanum
tamdiu obsedit, donec
acceptis haud paucis obsidibus
ab eis recessit. Porro
Mediolanenses eum ex Italia
recedere putantes, Tricium
sibi deditum ceperunt, et sic
rebelles extiterunt.
1159. Adrianus papa hobiit.
Tunc scisma exortum est de
papatu inter Rolandum et
Octavianum.
1161. Hic hobiit 4. Idus Iunii
meus egregius pater Valerianus.
Filius iste fuit magni
quondam Guilielmi. Iterum
Federicus circa Mediolanum
se posuit.
1162.
1163.
1164. rex Fredericus cum

p. 4

exercitu magno, et Veronenses
cum militibus et populo
de tota marchia, per quinque
dies in campo steterunt. Et
hoc fuit circa festivitatem
sancti Iohannis baptiste. Et
eodem anno 17. Kal. Octubris
interfecti sunt iuxta ecclesiam
sancti Marci septem capitanei
et quattuor vavasores.
1165.
1166. in die sancti Antonii
in nomine Domini Christianus
noster decanus concorditer et
pacifice electus ab omnibus in
abbatem et pastorem est huius
monasterii.
1170.
1171.
1172. Nonis Iulii de domo
cuiusdam ferrarii, qui in clavica
habitabat, ignis latenter
exibat, qui totam Veronam
fere devoravit.
1174. iterum Federicus imperator
in Longobardiam venit,
et circa Alexandriam in
medio mense Octubris se collocavit,
et circa illam usque
ad diem sancte resurrectionis,
que fuit 9. Kalendas Aprilis,
cum valida manu stetit, nec
capere potuit.
1175. omnes Longobardi
contra Fredericum perrexerunt,
eumque ab Alexandria
removerunt, atque cum eo
favente Deo pacem fecerunt
9. Kalendas Aprilis.
1176. Federicus imperator
cum Longobardis a secunda
hora, usque ad nonam pugnavit,
nec vincere potuit, set ab
eis tristis recessit. 4. Kalendas
Iunias fuit hoc.
1177. Federicus rex apud
Venetiam in ecclesia beati
Marci cum Alexandro papa
inspirante Deo pacem firmissimam
fecit 9. Kal. Augusti.
Comes Conradinus interficitur
10. Kalendas Aprilis.
1178. Hoc anno synodus
magna facta est apud Romam.

p. 5

1181. Depositi sunt iudices, ut nullus
illorum amplius audeat dare sententiam per
legem, usque in capite viginti annorum; et hoc
fuit 6. Idus Ianuarii.
1183.
1184. 11. Kal. Augusti Lucius apostolicus
ab omni populo civitatis Veronensis est
receptus, et in lectica cum gaudio rnagno in
civitatem portatus.
1185. 11. Kal. Novembris hobiit Omnebonum
episcopus Veronensis. Septima Kalendarum
Decembrium hobiit Lucius apostolicus
qui et in civitate Verona est tumulatus; ipsoque
in die Ubertus Mediolanensis archiepiscopus
Deo ordinante est elevatus.
1187. 13. Kal. Novembris hobiit Urbanus
papa; alioque die Deo disponente domnus Albertus
cancellarius est ordinatus. Hoc anno
a Salahadino capta est Iherusalem et omnes
civitates fere et universa loca quae a christianis
habitabantur, a paganis occupate sunt.
1188. 9. Kalendas Iullii hobiit Arriprandus
episcopus Veronensis. Feria sexta, 4. Idus Iunii,
Veronenses cum Ferrariensibus fortiter dimicaverunt,
multosque ex eis ceperunt, et castrum
quod Frata. vocatur dissipaverunt.
1189. imperator Fredericus instinctu Dei
permotus, ad recuperandam christianorum
terram ultra mare cum valido exercitu in die
sancti Georgii iter arripuit. Et in eodem anno
interfectus est comes Saurus 3. Idus Maias.
Et in ipso anno hobiit
1190. Federicus imperator in terra Arminiorum, sicut Deo placuit; in Salephico
flumine dum corpus suum ablueret, vitam presentem finivit 4. Idus Iunias.
Et in ipso anno 6. Kal. Iulii hobiit Domnus tercius abbas Vallumbrosae.
1191. Clemens apostolicus hobiit 2. Nonas
Aprilis. Et in secundo die pascae Enricus rex
coronatus est a domno Celestino apostolico,
hoc est 17. Kal. Maias.
1194. Heinricus imperator in Appuliam
intravit, eamque totam sub sua potestate
subiugavit.
1195. Guilielmus Oxa potestas.
1199. die Veneris, qui fuit secundus post
festum sancti Iohannis, Veronenses cum Mantuanis
non longe a ponte ipsorum fortiter
pugnaverunt, et ex eis multos occiderunt atque
ceperunt.

p. 6

1201. 3. Kal. Decembris hobiit domnus
Martinus abbas Valumbrosae.
1202. 17. Kal. Decembris hobiit Albertus
abbas huius monasterii.
1216. Kal. Augusti hobiit Innocentius
papa tercius.
1222. Hoc anno apparuit stella que dicitur
cometis cum facula per dies 15 in mense
Septembri. Sequenti quoque mense 11. Kal.
Novembris cum esset luna 14, apparuit tota
sanguinea et obscura per unam fere horam
et mediam.
1223. in natali Domini, die dominico, ante
horam nonam terre motus magni fuerunt, qui
terram totam tremere fecerunt. Maxime vero
Brixie urbis turres quam plures, ecclesie domusque
hominum non pauci subito ruerunt.

home ||  autori per secolo: XI XII XIII ||  el. alfabetico || per generi ||  testi in prosa ||  testi in poesia ||